சர்சைகளை கடந்து சாதனை படைத்த தளபதி விஜய்

மெர்சல் படத்தில் நடித்ததற்காக சர்வதேச அளவில் சிறந்த நடிகராக விஜய் தேர்வு செய்யப்பட்டிருக்கிறார்.

இயக்குனர் அட்லி இயக்கத்தில் விஜய், எஸ்.ஜே.சூர்யா காஜல் அகர்வால், சமந்தா, வடிவேலு, கோவை சரளா மற்றும் பலர் நடிப்பில் 2017 ஆண்டு வெளியாகி மிகப்பெரிய வெற்றி பெற்ற படம் மெர்சல். இந்த படத்தில் சர்ச்சைக்குரிய வசனங்கள் இருந்ததால் மத்தியில் ஆளும் பாஜக கட்சியினால் கடும் விமர்சனத்திற்கு உள்ளானது.

ஒருவகையில் அந்த விமர்சனங்களே மெர்சல் திரைப்படத்தை இந்தியா முழுக்க கொண்டு சேர்த்தது என்று கூட சொல்லலாம். ராகுல்காந்தி உட்பட பல தலைவர்கள் விஜய்க்கு ஆதரவாக குரல் கொடுத்தனர். இந்நிலையில் இந்த படத்தில் சிறப்பாக நடித்ததற்காக லண்டனை சேர்ந்த IARA என்ற அமைப்பு சர்வதேச அளவில் சிறந்த நடிகராக விஜயை தேர்தெடுத்துள்ளது. இந்த செய்தியை அறிந்து விஜய் ரசிகர்கள் டிவிட்டரில் மூன்று லட்சம் டிவிட்டுகளை கடந்து திருவிழாவாக கொண்டாடி வருகின்றனர்.