ஹாலிவுட் படங்களை பின்னுக்கு தள்ளி வசூலில் முதலிடத்தை பிடித்த 2.0 ! எந்த நாட்டில் தெரியுமா ?

லைகா புரொடக்சன்ஸ் தயாரிப்பில் சூப்பர் ஸ்டார் ரஜினிகாந்த் நடிப்பில் கடந்த வியாழன் அன்று வெளியான படம் 2.0. இந்திய சினிமா வரலாற்றில் இதுவரை இல்லாத அளவுக்கு பெரும் பொருட்செலவில் உருவான இப்படத்தை ஷங்கர் இயக்கியிருந்தார்.

உலகம் முழுக்க சுமார் 10000 க்கு மேற்பட்ட திரைப்படங்களில் வெளியான 2.0 ஒரு வாரத்திற்குள் 500 கோடி வரை வசூல் ஈட்டியுள்ளது. அதுமட்டுமின்றி தமிழ் சினிமாவில் முதல் 500 கோடி ரூபாய் வசூலித்த படம் என்ற பெருமையையும் 2.0 பெற்றுள்ளது.

இந்நிலையில் ஜக்கிய அரபு அமீரகத்தில் 2.0 படத்தின் முதல் வார வசூல் விவரம் அதிகார பூர்வமாக வெளியிடப்பட்டுள்ளது. அதில் 2.0 படம் 17.70 கோடி வரை வசூலித்து மற்ற ஹாலிவுட் படங்களை பின்னுக்கு தள்ளி முதலிடத்தை பிடித்துள்ளது.