ரசிகர்கள் எதிர்பார்க்காத நேரத்தில் தேவ் படத்தின் அப்டேட்டை வெளியிட்ட படக்குழு

பிரின்ஸ் பிக்சர்ஸ் தயாரிப்பில் ராஜத் ரவிசங்கர் இயக்கத்தில் கார்த்தி நடித்துள்ள படம் தேவ். இப்படத்தில் கார்த்திக்கு ஜோடியாக ரகுல் ப்ரீத் சிங் நடித்துள்ளார். மேலும் பிரகாஷ் ராஜ், ரம்யா கிருஷ்ணன் உள்ளிட்ட பலர் முக்கிய கதாபாத்திரத்தில் நடித்துள்ளனர்.

கார்த்தியின் முந்தைய படமான கடைக்குட்டி சிங்கம் மிகப்பெரிய வெற்றி பெற்ற நிலையில் தேவ் படத்தின் மீது அதிக எதிர்பார்ப்பு உள்ளது. இந்நிலையில் தேவ் படத்தின் முதல் பாடல் வரும் 14 ஆம் தேதி வெளியாகும் என படக்குழு அறிவித்துள்ளது.

இந்த அறிவிப்பை இசையமைப்பாளர் ஹாரிஸ் ஜெயராஜ் தனது டிவிட்டர் பக்கத்தில் வெளியிட்டிருந்தார். யாரும் எதிர்பார்க்காத நேரத்தில் இப்படி ஒரு அறிவிப்பு வெளியானதை அறிந்த கார்த்தி மற்றும் ஹாரிஸ் ஜெயராஜ் ரசிகர்கள் குஷியில் உள்ளனர்.

First single by 14th 😊 pic.twitter.com/ZcHywDc1il

— Harris Jayaraj (@Jharrisjayaraj) December 6, 2018